Mca alger اخبار مولودية الجزائر والمنتخب الجزائري

منتدى انصار مولودية الجزائر ينقل لكم احدث الاخبار و الصور والفيديو الخاصة بعميد الاندية الجزائرية كما يحتوي على فيديو و اغاني جمهور مولودية الجزائر وغيرها من اقسام عامة
 
الرئيسيةاليوميةس .و .جبحـثالتسجيلدخول
______________________________________________________________

شاطر | 
 

  ما بقاش لصحاب

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
عبد الرحمن عوف
المدير
المدير
avatar

اوسمة التميز

النوايا الحسنة
البلد : الجزائر
ذكر
عدد المشاركات : 6902
المزاج : لطيف
زر الشكر : 19
تاريخ التسجيل : 19/10/2010

مُساهمةموضوع: ما بقاش لصحاب   11.10.12 0:12





يا غافل خير كلامي بين لقوال/*/من طبايع الناس و فعالهم احدر
لا تامن لا تخدع من بعد لهوال/*/بعد الصحبة يقيدوك بسلاسل الغدر
*
يا قلبي مدا صاحبت شحال/*/كل واحد منهم بالحيلة يعاشر
الناس تحب غير الصلاح و المال/*/بلسان الحسد و الغيرة تهدر
فاللول يبانولك ملاح لفعال/*/الوجوه تتبسم و الخلاق تنشكر
تقول مكاش من غيرهم رجال/*/كل من وقف قدامهم عاد خاسر
*
كل من تصاحب يزينلك لعمال/*/و الداخل قلبو بالحسود عامر
في ساعة لفراح يساندك لحوال/*/وادا جاك الضيق يتركك حاير
يرافق جميع من دقلو في البال/*/منهم يفيد و قصدهم عندو ناكر
كل يوم تلقاه في ملابسو بدال/*/من كل ثوب تلقاه يلبس و يغير
*
ادا رحبت كل مطالبو بتبدال/*/يفرح بمجيك في مرسمو تحضر
و ادا قلبك لمطالبو رفض و مال/*/من المرة اللولة يتمنالك القبر
بنيانو طالع فوق ساس الرمال/*/هادي صحبة النفاق بالكلام داير
تقول ملاك من السماء و لا هلال/*/و هو شيطان من الانس جاي ماكر
*
نهار يصيرلك خدام و حمال/*/لطاعتك يجري و لخدمتك يسهر
و نهار يطعنك بكلامو قتال/*/يشمتك للناس و يرميك بالمعاير
ساعة يمدحك و يشبهك بغزال/*/و ساعة يبغيك و على فعالك يصبر
حين يحتاجك يقصدك بلحيال/*/حين يقضي صلاحو من دارك يهجر
*
بمجيك يتبسم و يقابلك بالوصال/*/حين تغيب تلقاه بعيوبك ينشر
يمدحك و يحطك في منازل البطال/*/حتى صورتو بين عينيك تكبر
يمرضك يغرقك و يسكنك لهبال/*/منين تسمع بسرارك للناس ينشر
اشرورو ليك ما ليهاش زوال/*/نيابو منشار ليك بيها يقهر
*
لو تكون ضريف يشبهك بخيال/*/منو تخاف تهرب و تنفر
بصمتك عندو تتسمى جهال/*/هكدا العباد تخمم و تفكر
حين تغرق بالعون عليك يبخال/*/في عدابك تلقاه يتأمل و ينضر
و ادا جاك يترجى بقبح الخصال/*/لأمرو ترضخ تقول جاك ساحر
*
الغدر نازل على جبينو سيال/*/ادا كنت مجرب تقراه و تفسر
و الخدع مكتوب على وجهو مزال/*/كي تشوف خيالو تلقالو الأثر
ساعة يتلبد و يجيك يحتال/*/تقول جن سكنو ماهوش من البشر
من سيرتو عرفناه ناسو رحال/*/طبعو للناس صار باين و ضاهر
*
كثير من الناس يضربولم لمثال/*/و مايعيروش كلامهم حين يصدر
يتمنو لو يريبو عليك الجبال/*/يغبرو ريحتك و عضمك ينكسر
بنيتك عندهم يصيرولك غوال/*/بعواصفهم تتغرب و التيه فالسفر
يتيهوك و يخلوك في ضلام الليال/*/يرميوك بمواج و يديك البحر
*
بالألف و الحاء و الميم و الدال/*/نعيدلك سلامي و نعطيك الخبر
أسمي أحمد نصاحب النبال/*/نطلب ربي بدنوبنا يغفر
الصلاة و السلام على يمام لرسال/*/بيه نختم نضامي بلا ما نزيد نشعر
الله يبعدنا على قوم الرذال/*/و يجنبهم من طريقنا طوال العمر







الرجوع الى أعلى الصفحة اذهب الى الأسفل
 
ما بقاش لصحاب
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
Mca alger اخبار مولودية الجزائر والمنتخب الجزائري :: منتدى ملتيميديا :: قصائد شعرية (شعبية )-
انتقل الى: