mouloudia d'algerie : منتدى انصار مولودية الجزائر والمنتخب الجزائري

منتدى انصار مولودية الجزائر ينقل لكم احدث الاخبار و الصور والفيديو الخاصة بعميد الاندية الجزائرية كما يحتوي على فيديو و اغاني جمهور مولودية الجزائر وغيرها من اقسام عامة
 
الرئيسيةاليوميةس .و .جبحـثالتسجيلدخول
Like/Tweet/+1
__
Traduire ce site
Prochain match Mouloudia d’alger


Calendrier MC Alger foot offert par footendirect.com

ads
Classement

Classement MC Alger fourni par footendirect.com

_
المواضيع الأخيرة
» نتائج و ترتيب الرابطة المحترفة الاولى الجولة 7
أمس في 10:36 من طرف mca-dz

» مولودية وهران 0-0 مولودية الجزائر العميد يواصل تضييع النقط
17.10.17 18:13 من طرف mca-dz

» بث مباشر مباراة مولودية وهران vs مولودية الجزائر 2017/10/17 MCOran vs MCAlger
17.10.17 16:02 من طرف mca-dz

» بث مباشر رابط مشاهدة مولودية الجزائر- مولودية وهران الساعة 16H00
17.10.17 14:05 من طرف mca-dz

» مولودية الجزائر قائمة اللاعبين الأساسيين للقاء اليوم ضد مولودية وهران
17.10.17 8:44 من طرف mca-dz

» صورة اليوم انصارمولودية الجزائر والعرضة في منزل اللاعب سفيان بالغ بوهران
17.10.17 0:53 من طرف mca-dz

» لقاء مولودية الجزائر ومولودية وهران منقول على قناة الامازيغية و BEIN SPORTS HD
17.10.17 0:21 من طرف mca-dz

» مولودية وهران- مولودية الجزائر العميد في مهمة الخروج من ازمة النتائج السلبية
17.10.17 0:11 من طرف mca-dz

» #مولودية_الجزائر يطلب حامية من بلوزداد ويقترح مقايضته بلاعبين
15.10.17 10:36 من طرف mca-dz

» ترتيب الدوري الجزائري للقسم الاول الجولة 6
15.10.17 10:26 من طرف mca-dz

» #رابح_ماجر يُنصّب مدربا للمنتخب الوطني الجزائري غدا
15.10.17 10:13 من طرف mca-dz

» مولودية الجزائر التشكيلة تشرع في التحضير لمواجهة الحمراوة
14.10.17 13:03 من طرف mca-dz

» مولودية الجزائر: درارجة ومنصوري قد يكونو ضمن قائمة أول المسرحين في الميركاتو !
14.10.17 13:00 من طرف mca-dz

سحابة الكلمات الدلالية
شباب شاوشي مولودية_الجزائر المولودية اتحاد ملعب داربي لمولودية الخضر الجزائر الدوري URGENT كرة_القدم أرزيو منحة الرابطة mouloudia المنتخب-الوطني عبد_الرحمن_حشود الوطني_الأولمبي العميد الأخبار فوزي كمال مولودية alger
احصائيات
هذا المنتدى يتوفر على 16183 عُضو.
آخر عُضو مُسجل هو a7med1997 فمرحباً به.

أعضاؤنا قدموا 67142 مساهمة في هذا المنتدى في 20610 موضوع
أفضل الكلمات الدليلية الموسومة
1#مولودية
2#المولودية
3#مولودية_الجزائر
4#الجزائر
5#اتحاد
6#كرة_القدم
7#mouloudia
8#لمولودية
9#ملعب
10#شاوشي
للإكتشاف : مولودية-الجزائر# | Mcaalger# | المنتخب-الوطني-الجزائري#
______________________________________________________________
Agrandir le chat .

شاطر | 
 

  قصيدة : عويشة والحراز -الشيخ عمر الزاهي

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
عبد الرحمن عوف
المدير
المدير
avatar

اوسمة التميز

الاوسمة النوايا الحسنة
البلد : الجزائر
ذكر
عدد المشاركات : 6913
المزاج : لطيف
زر الشكر : 19
تاريخ التسجيل : 19/10/2010

مُساهمةموضوع: قصيدة : عويشة والحراز -الشيخ عمر الزاهي   10.10.12 23:57




حراز حكيم من الحجاز * و طلع للغرب على البراز
قاري جردابية ديال رومان الزرق يا فهيم * و ميسر كذا من حكيم * قاري علم التنجيم
كيحقه و سجيع و فرصة * ومعلم في حرب النساء * و مبلي بالطاسة
و سالباه الجلسة بين البنات * جايل عنهم طول الحياة * جال مدن و قريات
خاصاه غزالة عنها يدور * فتش المداين و الدشور* يوم وصل الأزمور
صاب بنت ظريفة * عذراء و باهية و لطيفة
في العود كتخبل و تصيح معاه بالحجازي و شغول الشام
صايلة بيهم عن جميع الرّيام * و عيوط الغرب مع الكلام
و بنت اثناعشن عام عندها في عمرها * عذراء مخنترة في صغرها
عندي كابرة فالعشرة * و لا تطيق عني صبرة
في كل يوم ما تخطاني
حتى ان جاء الحراز مطّور في البلاد * باعوها له حساد * كيحسدوني في هلال الاعياد
عمل عنها الارصاد في القصر * و سكن بين الواد و البحر
و تملّك بها و ملكاته الغزالة العذرية
حكم عنه مير زينها و ظفر بالحراز * و عمل الارصاد على المجاز

* الحربة *

آ من هو يصغى ليّ * كيف جرى بين العشيق و عويشة و الحراز * حراز حكيم من الحجاز

قسم 2

غابت عني تاج الابكار * سبع ايام افقدت الاخبار * صبح عني بشار
جاء و بشرني بخبار الغزال * عند الحكيم آ من تسال
من جانا للغرب بالسحر * رصدها في داخل القصر
مكاته بالزين و الشعر * و الشامة و الخال و الشفر
و الخد العكري بلا عكر * و المعنى فالنقط و الشعر
و انا نطور * قلت له جميع اصحابي طيار * انفرقه عن تاج البكار
انعجب به الا عطات فيه الوجبة بمحاربة
درت خصايل المغاربة * زولت الجلابة
و درت كسوة قاضي * الكتاب دايره في اللبدة
تسبيح في يميني * لحية كسلوك الفضة
وصلت باب القصر نطقوا الارصاد
كيقولوا تجاوب يا حكيم * خرج حراز الريم
قال لي آش عني بيك يا مغربي ؟؟
و نطقت و قلت له : انا قاضي الاسلام. * جيت نستبرك منك يا حكيم
و نطّعمك في حق الكريم * تمشي الى عندي للدار للضيافة * و نطق و قال لي معتزلي
ما نامنشي في بعض السلام * مواكلهم عندي حرام * ما نشرك عندك شي سلام
انت قاضي خداع * روح في حالك صد عليّ
واش القاضي كيكون مثلك جيتي هماز * و طلع للقصر و كنّ باز .

* الحربة *

آ من هو يصغى ليّ * كيف جرى بين العشيق و عويشة و الحراز * حراز حكيم من الحجاز

قسم 3

حراز مطور بالاشكال * و انا نرجع له بالحيال * صاحب سيدي رحّال
درت عشرة بقطاطي دايرين * و شمعهم مشعولين
و البنادر عشرة متسخنين * و حنايا جدبانين كاملين
وصلنا لباب القصر
نطقوا الارصاد * بداوا كيقولوا تواجب يا حكيم * خرج حراز الريم
كأن جن مطّور * عينيه كيدوروا في راسه زدت ليه * سلّمت عليه غفل
قاع ما رد علي شي سلام * قلت في قلبي ولد الحرام
جدبت عليه و قلت له * قول مرحبا بأهل الكمال
تعرف سيدي رحّال جدنا * و انتايا جتي لغربنا * لازم نوريك سرنا
دخلنا للدار و القصر * و كرمنا بالعود و الزهر
جبنا ليك الخير و الستر * و الظالم ساقر
ليس جاوبني عن هذا القوال * عاد تلفت لي و قال :
نعرف سيدي رحال * حق والي الله بالكمال * ليس نبي و الا مرسال
جبتوا مذهب هذا الحيال * وا نتما يا عشرة طوال
بقطاطيكم كيف الكبال * و حذا عشكم ختال * جابكم انتما للحمية
و دار في الارصاد قال كرموهم بالعكاز * فلت خيّك بين الغراز

* الحربة *

آ من هو يصغى ليّ * كيف جرى بين العشيق و عويشة و الحراز * حراز حكيم من الحجاز

قسم 4
حراز قديم رهيب فات * و حكيت فعاله للبنات * قالوا لي الشّيخات :
يالعاشق نمشيوا معاك بالرباعة و اثناعش من البنات * غير الخودات الفايزات
ثلاثة مولوعات * صايلات بنقط الكمنجات
و ثلاثة عوادات * حافظين الالات على الثبات
و ثلاثة طرارات * حافظين قصايدهم و الابيات
و ثلاثة رقصات * كيسلبوا من كان قديم ثبات
و يردوا الشايب للشباب ينسى شيبه * و نطقت قلت ليهم :
هذا هو الدخول * هذه الحيلة هي النزول * قامت البتول
لبستني كسوة ذهب و حرير * و انا باقي زين و صغير
لا لحية لا شارب * كأن عذراء كي هدت للصيام
و فناها الهوى و الغرام * العيون جعب روام * و الخدود و رادة
و الفم كخويتم * و الشفايف لاويين * قومان بحبي كاويين
و التحليقة جمعت المطاوي * تلحفت بحايك المحربل
قالوا البنات * يالشيخة زيدي قدامنا * سميناك أمي يامنة
درجوا البنات * و جات لالة مليكة *هي و خيتها فطومة
و الريم حادة و السعدية * و الغزال زهرة و عبوش و راضية
و منانة و الزاهية * رحيمة و خديجة
و لالة حبيبة هذو اثناعش * درجوا بشرابل و القماش * و المعون مقوّم
كل عذراء نحكيها شي غزالة * كتجرح من شوف النجال * و القصة يا علال
بعد زدت انايا قدامهم * نطقوا الارصاد بداوا كيقولوا :
تواجب يا حكيم * خرج حراز الريم * شافنا بندقنا له بالجميع
و دويت انا دغية معاه * طلبته ضيف الله * قال لي: منين انتم ؟؟
قلت له جينا لك من فاس * يا حكيم انت عز الناس
جبت لك رباعة للوناس * للزهو و النقط مع الكاس
جبت لك رباعة للوناس * للزهو و السلوان معاك في القصر
و الظالم ساقر * كيمسّق فيا * و نشوف فيه يضحك و انا فرحان
قلت غادي ندخل *دوى و قال ليّ * فين يا الشيخة ؟؟؟ * قلت له انا هي يا حكيم .
قال : انت حصلة * و جاية لعندي بمحلة
روحي شوفي شي قشلة تبيتك * يا بنت الزغبية
انتي و اثناعش يخصكم طباخ و خباز * روحوا للحارة ذا اقراز

* الحربة *

آ من هو يصغى ليّ * كيف جرى بين العشيق و عويشة و الحراز * حراز حكيم من الحجاز

القسم 5

بقيت نخمم يا فهيم * باش نولي عند الحكيم

هندسته و جبرته رهيب حايل * مطور بالاشكال * قلت أراسي العبيد

كينفعوا في الحزة غير زيد *جرب فالك إلا هو سعيد

و زدت اثناعش من العبيد *و زدت اثناعش من الخدم * قلت ليهم آ العبيد

دردبة في القصبة عند الحكيم * قالوا لي نمشيوا غير قوّم راسك

دويت قلت لهم درت المسّوس * و البسيسة و الزمّيتة

و درت دغنو و جبابن دا الحليب * صنعت الميدة بالودع * درت كساوي الملوك

و الطّبيقة و حكوكات البخور* قوّمت قناوي في الظهور

بالقرقابات و قنقات * يطلقوا شي مايات * و الخدم يجدبوا

و طبول كترعد وصلنا للقصر * نطقوا الارصاد بداوا كيقولوا

تجاوب يا حكيم * خرج حراز الريم

شافنا و بدا يضحك قال زيد * لاش قدمتوا ها يا العبيد

زدت انايا عنده و بست يده * و نطقت وقلت له : أنا عزي بالخير

جيت عنك صليح بلادنا * و قالوا لك سيادنا * دارك محسوبة دارنا

دخل هذي الميدة لآلة * و طلعها يا حكيم

فرح بنا العبيد * ما عليهم حجــبة * خدامين ناس الرحبة

دوى وقال لي يا تريكة حام * ليس فيكم صالح

العبد إلا يشبع يولي يفسق * و الا يجوع يولي يسرق

منكم جميع الأذية * لو صبتوا الاحكام

كلكم تتحرقوا بالقاز * ذهبوا يا شبيهات المعاز

* الحربة *

آ من هو يصغى ليّ * كيف جرى بين العشيق و عويشة و الحراز * حراز حكيم من الحجاز

القسم 6

وليت لعنده يا رسيخ * غير بوحدي لكن شيخ

معايا هجهوجي متحفه بهجاوي * بلغة مفرقة و الخيط على الراس

و التعكريطة و الخنجر* والحيالة والجهد مع الصّغر* نصرته في باب القصر

نطقت بسرّابة مع القصيدة نطقوا الارصاد * كيقولوا تواجب يا حكيم * خرج حراز الريم

ناضت عويشة تبعاته * منين سمعوا صوتي وقفوا بزوج * غنيت ليه و صرت كنقرح

نسمع فيها تقل له:هذا شيخ اديب *يا حجازي دبا يدخل * ما تزيد علي حتى كلام

يفرجنا هذا النهار * قال لها يا سود الشفار * ما نامن فيه يشوف في خيالك

مايدخل للقصر * قالت له تسمع يا حبر

احنا في الغرب الشيخ و النساء * خاوة في الجلسة

لا تخشب عنه * اخرج قل له مرحبا * رمات على الذيب الخشبة * و حنى قفاه

خرج العندي و انا كنقرح * حتى كملت القصيدة

من سبعة دا القسام * و زاد سبقني للسلام

زيد مرحبا بيك آ الشيخ * زيد بيك مرحبا * كونت عنها في الحسبة * دخلنا القبة شلاّ نوصف

صنعة الحكمة ها يافهيم *انا وغزالي و الحكيم

مسقي في دوى وقال لي * كب و دندن يا مغربي

و رفدت القمبري و صرت نقرح * و نقول في القصيدة باللغوز

آ باشا العوارم كيف المعمول * كتجاوبني في الغنة

تقول لي يا قرصي * دبا نريك باش تسّمش

حتى بغات و رشق ليها * سوات العود في يديها

و بدات ك تخبل و تطيح عليه * بالتواشي و تطيب فيه باللطافة

رمات يديها لجيبه * جبدت الخاتم و الطاسة و قضيب الرّصد

طارت لذيك الجهة يا فهيم * قالت اسمع يا حكيم :

هذا هو محبوب خاطري * و انت عذبتيه * آ الظالم كي نعمل بيك ؟؟

ها حكمتك حصلت في يديّا * دبا و لّي قرد زيد فرجنا بالتنقاز * و شطحاته بقضيب تاز

* الحربة *

آ من هو يصغى ليّ * كيف جرى بين العشيق و عويشة و الحراز * حراز حكيم من الحجاز

القسم 7

رداته قرد مجادبي * قالت لي يا طالبي

هذا هو العدو اللي فرقنا هذي عشرين يوم * هاني حصلته ليك

واش صافي شغلي و الا لا * قلت برافو يا لآلة

قالت لي يا الحبيب * ها الخاتم و الطاسة و القضيب

اقعد نزهاو بزوج في القصر* و الحراز يشوف بالنظر

و معاه ندبر * يا حبيب الخاطر

و ذوك التواشي باش قدّمتي عندنا * كيف تواشي حافين

لو جيتي شيخ اديب * كيف دبا يكون دخلتي للقصر * تظفر بي ياالشيخ

قلت لها هذا ما كتاب * صح ليك ا بنت الصواب * اسمعي مني الخطاب

حرمة خدودك يا سود النجال * زاوقت في السالف و الدلال * العفة للرجال

هذا الحراز رجعيه ابن آدم * و آذني للعفريت يشيله للحجاز

يديه لامه تقفزه و تعلمه و الحكمة عند النساء * قالت لي علّ وعسى

ما نفعل الا ما تريد * ضربت الطاس بالقضيب * طلع عفريت ازرق

قال لها آذني لي يا الغزال * قالت هذا الحراز عذبه * اديه للحجاز سيبه

شيله يا عفريت يمشي لباباه يعلمه التقراز * و الحراز مشى للحجاز

قلت لها اسمعي لي * انت اللي حاكمة و فايزة يا عينين الباز

من دون مزاح و لا طناز * لا تعمل فنطازية * وعزل الخلطة المخلطة

بثّمار مع الغاز* ياو الخنزير مع المعاز * و المولى يسمح لي

ما شفت غزالة و لا ضاربة مع الحراز * و مانحملشي قوم الدباز

غير فراجة و سجية * قال المكي جول في اللغا

يا فاهم الارماز * الغي و فارق قوم الدراز

* الحربة *

آ من هو يصغى ليّ * كيف جرى بين العشيق و عويشة و الحراز * حراز حكيم من الحجاز





recherche google بحث جوجل السريع


الرجوع الى أعلى الصفحة اذهب الى الأسفل
 
قصيدة : عويشة والحراز -الشيخ عمر الزاهي
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
mouloudia d'algerie : منتدى انصار مولودية الجزائر والمنتخب الجزائري :: منتدى ملتيميديا :: قصائد شعرية (شعبية )-
انتقل الى: